බොලව් ගෑනියේ

 

ආදර වෙන්ට බිරින්දෑ වෙත,

බල්ලෙක් පූසෙක් වත් බේතකට සොයාගත නොහැකි කුප්ප දූපතක සිට ලියමි. මලක ආතල් එක යහමින් ගන්න වෙලාවක මෙන්න මේ කුනු හබ්බය ම්තක් වූ නිසා ලියමි.

බොලා දැන් මට කියන්නේත් බනිස් කෑමට ඇති ආසාව නිසා බේකරියක් දාගැනීම යහපතැයි වගේ අපබ්‍රන්ස කතාවකි.

"අනේ මටනම් බෑ ඔයා නැතුව ඉන්ඩ"

"මම යනව අපේ ගෙදර"

"මට පාලුයිනෙ"

"තව ටික කාලයයිනෙ අපිට එකට ඉන්ඩ හම්බෙන්නේ"

"අවුරුදු හතක් ලව් කරලත් එකට ඉන්ඩ නෑ"

"සල්ලි කියන්නෙ ජීවිතේම නෙමෙයිනේ"

ඔන්න ඔවැනි කතා දාහක් කියමින් මගේ මේ රස්සවට තිත තැබීමට ගත් උත්සාහයට මගේ ලිබ්බොක්කෙන්ම මෙව්වා  එක බොලාට පුදකරමි.

කනක් ඇහිල ඉන්ටම බැරි හින්දා ඕන් මම රස්සාවෙන් ඉල්ලා අස්වෙමියි කියා ලියුන් කරඩහියක් ලොක්කට අද උදේම කබ හූරමින් හොටු කඩමින් ගිහින් දුන්නෙම්. 

දුන්න ගමන් කෝචොක් හිනාවක් දාපු ලොක්කා "වී විල් ඩිස්කස් දිස් ඉන් ඊවිනින් " පර බාසාවෙන් මට බැන්නත්ද කොහෙද මූ....බොලා හින්දා බැනුම් අහපු පලවෙනි වතාව නෙමේ හින්ද අවුලක් නෑ..

ලොක්කා හවස එන්නම් කිව්වට පොර ආවෙත් නෑ ඒ වුනාට කොල්ලො කීපදෙනෙක්ම උන්ගෙ හිතම්ත්‍රාදින්ගෙ සීවී ගොඩක් මට ගෙනත් දුන්නා. 

"මචන් උබ යනවයි කියල ආරන්චියක් ආව පුලුවන්නම් මූව දාල දියන්"

යකො එතකොට මුන් බලන් ඉදල තියෙන්නෙ මම යනකන්.......ඔන්න ඔහොම කාලකන්නි හිතිවිල්ලක් මගෙ සුට්ටන් හිතට ආවා. දුක තද කරන් මහ මෙර තරන් මට ඉන්න බෑ ඔබ නැතුවනම් කියන්නා වගේ කොහේදෝ තිබුන බොකකුත් ඔය අස්සෙම සැට්වුනා රත්තරන්.

දැන්නම් ඉතින් මාසෙකට ලක්ස වලින් පඩි හම්බෙන හින්දා ඉල්ලන ඕන මගුලක් බොලාට අරන් දෙනව... පස්සෙ අරන් දෙන් නෑ කියල මැරෙන්ඩ හදන්න එපා ඕන්.

බොලා දැන්නම් කියන්නෙ ලුනුයි බතුයි හරි කාල ඉමු කියලා...ඕකත් ටික කාලෙකදි එපා වෙනව එතකොට කන්ඩ බෑ කිව්වොත් බොලාගෙ කනට දෙකක් දීල පරන අතීතේ මතක් කොරල දෙන්න සැදැහැවත් සිතින් මම සැදී පැහැදී ඉන්න වග බොලාට මතක් කරනු කැමැත්තෙමි.

ඉදිරියට අර ඊ බේ එකෙන් බඩු ගෙදරට එන එකක් නැතිවෙයි මයෙ හිතේ.

දැන් ඉතින් ආපුවම ඒ සී දාගෙන ඩබල් දාගෙන යන ගමන් වලදි  වගේ ඉස්සරහට ඒසීත් නැතිවේවි. බොලාට දුක හිතේවි...

මට ආස හිතේවි........

ඉතින් තකහනියෙම මේ ලියුන් කරදහිය ලිව්වේ ඔන්න ඔය අතුරු ප්‍රතිවිපාක බොලාට මතක් කොරල දෙන්න හිටන්.

බොලාව මට පැස්ටෝල් ගහලවත් එලෝගන්ට බැරි බව මම දනිමි...ඒ වුනත් මා ගැන අනුකම්පා කොරනු මැනවි

එහෙනම් ඉතින් මම නවතිමි.

බොලාගේ ආදර
තඩී