රෑ පැල් රැකලා

රෑ පැල් රැකලා පැල් කවි කියලා නිදි නැති දෙනෙත බරයි
වෙහෙස නිවන්නට තුරුලිය නලවා එන මද පවන සුවයි

බොල් පිනි මකලා හිරු රැස් වැටිලා මැනික් ලෙසින් දිලිසේ
මට බහ දුන් දා විලියෙන් ඇබරුන මැණිකෙගෙ නෙත් විලසේ
මෙදා සැරේ කුරහන් කිරි වැදිලා සුලගේ ලෙල දෙනවා
කුබුකෙන් නාගෙන වරල විදා යන මැණිකෙව සිහි වෙනවා

ගොවිතැන් සාරයි ඒකෙන් නැහැ නොවැ අතමිට අඩු පාඩූ
පලදන්නම් ගෙල මාල සවන් යුග ලෙලවමි රන් තෝඩූ
ගේ පොඩියෙත් වැඩපල අවසන් මුත් එලියක් එහි නෑනේ
මේ කන්නයෙදිම අස්වනු කැපුවම මැනිකෙත් එනවානේ

ගායනය - සී.ටී ප්‍රනාන්දු